सुनसरीको बराहक्षेत्रमा अनन्त आयामले शनिबार अग्रेजी नयाँ वर्ष २०२२को अवसर पारेर विभिन्न स्थानहरुमा जाडोको कपडा तथा जुत्ताहरु वितरण गरेको छ ।
गत पुष २ गते बाट संचालन गरेको क्लोथ बैंक अभियान अन्तर्गत शनिबार बराहक्षेत्र नगरपालिकाको चक्रघटि, प्रकाशपुर र कालाबन्जारका १०० घरका विपन्न परिवारहरुमा नया तथा पुराना कपडाहरु वितरण गरेको हो । चिसो बाट आफु पनि बचौ र अरुलाई पनि बचाऔ भन्ने नाराका साथ सुरु गरेको यो अभियान १५ दिनदेखि चलिरहेको छ ।
यस अभियानलाई स्थानिय व्यवसायी, स्थानिय र प्रकाशपुर युवा एकता जमात र सिओसि बराहक्षेत्रले समेत सहयोग र सहकार्य गरेको थियो । बालबालिका तथा बृद्धबृद्धालाई यस अभियानले सानो सहयोग गरेको र यस कार्यक्रमलाई आगामी दिनमा पनि निरन्तर रूपमा क्लोथ बैंक लगायत अन्य काम गर्ने योजना रहेको छ ।
प्रेम र सदभावका लागि भन्ने मूल नाराका साथ बराहक्षेत्रका युवाहरुबाट अनन्त आयाम सस्थाको शुरुआत भएको हो।
Copyright © 2019 / 2026 - Junkirikhabar.com All rights reserved
