धरान उपमहानगरपालिकाको स्थापना दिवसको अवसरमा सिम्रिक एयरले विशेष छुटको व्यवस्था गर्ने भएको छ। सिम्रिकले धरान उपमहानगरपालिकाको स्थापना दिवसको दिन पुस २० गते देखि ३० गते सम्म प्रदेश १ का धार्मिक स्थलहरु खोटाङको हलेसी महादेव र ताप्लेजुङको पाथिभरा मन्दिरसम्मको हवाइ यात्रामा विशेष छुटको व्यवस्था गरेको हो ।
धरान उपमहानगरपालिकाले पुस २० गते देखि २३ गते सम्म धरान डेको अवसरमा उत्सवको रुपमा मनाउने निर्णय गरेको छ । सोही अवसरमा सिम्रिक र धरान होलिडेजको संयुक्त आयोजनामा सिम्रिकले हवाई यात्रा गराउन लागेको हो ।
यस अगाडि ३२ हजारमा पाथिभरा र हलेसी उडान भर्दै आएको सिम्रिक हेलिकोप्टरले धरान उत्सवको अवसरमा विशेष छुट गरी २८ हजारमा हवाई भाडा निर्धारण गरेको धरान होलिडेजका अध्यक्ष कुन्दन श्रेष्ठले बताएका छन् ।
Copyright © 2019 / 2026 - Junkirikhabar.com All rights reserved
