प्रदेश सरकार गठनको चौथो वर्ष पूरा हुन लाग्दासम्म पनि प्रदेश १ को नामकरण अन्योलमै छ । प्रदेशले हालसम्म पाएका तीनै मुख्यमन्त्रीले शपथ ग्रहणपछि प्रदेशको नामकरण गर्ने उद्घोष गरे तर कसैले पनि प्रक्रिया अघि बढाउन सकेनन् ।
कात्तिक १६ मा शपथ ग्रहणपछि सञ्चारकर्मीसँग मुख्यमन्त्री राजेन्द्र राईले प्रदेश नामकरण पहिलो प्राथमिकता भएको बताएका थिए तर अढाई महिना बितिसक्दा पनि नामकरणको प्रक्रिया सुरु हुन सकेको छैन ।
०७४ फागुन ३ मा गठन भएको प्रदेश सरकारको ४ वर्ष पूरा हुन १ महिना बाँकी छ । प्रदेश सरकारको बाँकी १३ महिना कार्यकालमा नामकरण हुने छाँट देखिँदैन । २०७४ फागुन ४ मा शपथ ग्रहण गरेपछि तत्कालीन मुख्यमन्त्री शेरधन राईले पनि प्रदेशको नामकरण गर्ने उद्घोष गरेका
थिए । आफ्नो कार्यकालमा उनले नामकरणका लागि छलफलसमेत चलाउन सकेनन् । उनीपछि मुख्यमन्त्री भएका भीमप्रसाद आचार्यले पनि प्रक्रिया अघि बढाएनन् ।
Copyright © 2019 / 2026 - Junkirikhabar.com All rights reserved
