इटहरी उपमहानगरपालिकाले व्यवसायिक कृषि खेती गर्ने इटहरीका कृषकहरूलाई प्लास्टिक टनेल र प्लास्टिक वितरण गरेको छ ।
इटहरी उपमहानगरको कृषि विकास शाखाले इटहरीका बिभिन्न वडामा तरकारी खेती गर्ने ७१ जना कृषकलाई प्लास्टिक टनेल र ८३ जनालाई मल्चीङ छानो हाल्ने प्लास्टिक वितरण गरिएको । गत कार्तिकमा आएको बेमौसमी वर्षाका कारण तरकारी खेती गर्ने कृषकलाई पुराएको क्षतिको राहत स्वरुप उपमहानगरले कृषि सामाग्री वितरण गरिएको जनाइएको छ ।
साथै सित लहरका कारण तरकारी खेतीमा पुराउने समस्यालाई समेत निराकरण गर्न कृषकहरूलाई प्लाष्टिक वितरण गरिएको इटहरी उपमहानगरको कृषि विकास शाखा प्रमुख गंगामाया अधिकारीले जानकारी दिनुभयो ।
कृषि विकास शाखाले इटहरी उपमहानगर क्षेत्रका तरकारी खेती गर्ने कृषकहरूलाई निशुल्क बिउ, अनुदानदेखि तालिम सम्मको सुविधा दिदै आएको जनाएको छ । विशेष गरि उपमहानगरले ५ वटा वडामा करेशा खेती गर्ने कृषकहरुलाई प्रोत्साहन गर्न थप बिभिन्न कार्यक्रम समेत ल्याउने तयारी गरेको छ।
Copyright © 2019 / 2026 - Junkirikhabar.com All rights reserved
