इटहरीमा तपाईको मास्क खै ? अभियानमा बिभिन्न सङ्घसंस्थाले प्रहरीसँगको समन्वयमा मास्क वितरण अभियानलाई निरन्तरता दिन थालेका छन् । सोमबारपनि इटहरीमा किरात कला केन्द्रले इलाका प्रहरी कार्यालयको समन्वयमा मास्क वितरण गरेको छ ।
इटहरी चौकमा भेला भएका किरात कला केन्द्रका पदाधिकारीहरू र प्रहरीले सडकमा बिना मास्क लगाइ हिड्ने यात्रुहरूलाई मास्क वितरण गरेका थिए । कोरोना सङ्क्रमणको जोखिमलाई सबैको सहकार्यबाट नियन्त्रण गर्न सकिने सामाजिक उत्तरदायित्व अनुसार आफूहरूले पनि तपाइको मास्क खै अभियानमा सहभागी भएको किरात कला केन्द्रका कुशल किरातीले बताउनुभयो ।
अभियान अन्तर्गत करिब सय भन्दा बढी यात्रु तथा सबारी चालकलाई निशुल्क मास्क वितरण गरिएको थियो । अभियान अबका दिनमा निरन्तर चल्ने जनाइएको छ ।
Copyright © 2019 / 2026 - Junkirikhabar.com All rights reserved
