इटहरीमा नेपालकै दोस्रो कार्जस्पा सञ्चालनमा आएको छ। कार तथा मोटरसाइकलको डिटेलीङ गरिने कार्जस्पा इटहरीमै पहिलो पटक धरान लाइन हलगडामा उद्घाटन भएको हो । इटहरीका बहत्तर लिम्बुले सञ्चालनमा ल्याएको कार्जस्पा बिहीबार पुर्वमन्त्री रामकुमार सुब्बाले उद्घाटन गर्नुभयो ।
इटहरी पूर्वकै उदयमान सहर भएकाले विराटनगर, धरान र बिर्तामोडका सेवाग्राहीलाई लक्षित गरिएको जनाइएको छ । कार्जस्पामा कार वा बाइकको सम्पूर्ण पार्ट्सको मर्मत गरिन्छ ।
सवारी साधनलाई धुलो धुवाबाट सुन्दर तथा आकर्षक बनाउने कार्जस्पा उपयोगी हुने कार्जस्पा इटहरीका सञ्चालक बहत्तर लिम्बुले जानकारी दिनुभयो । चलाइरहेको गाडीको बाहिरी तथा भित्री आवरणमा उल्लेख्य सुधार हुने वहाँको भनाई छ । लामो समय लन्डन बसेर नेपाल फर्किएका वहाँले २ वर्ष अगाडी बहत्तर क्याफे सञ्चालनमा ल्यानुभएको थियो ।
अहिले आफ्नो ठाउँमा केही काम गरौँ भनेर कार्जस्पा सञ्चालन गरिएको लिम्बुले पत्रकार सम्मेलनमा जानकारी दिनुभयो । १२ वर्ष अगाडी भारतको गुजरातमा खुलेको कार्जस्पाले यसैबर्ष नेपालमा थप ३ वटा शाखा खोल्ने तयारी थालेको छ । यसअघि काठमाण्डौमा खुलेको कार्जस्पा इटहरीमा दोस्रो शाखाको रूपमा सञ्चालनमा आएको हो।
Copyright © 2019 / 2024 - Junkirikhabar.com All rights reserved
