झुम्का जेसीज र झुम्का जुनीयर जेसीजको संयुक्त आयोजनामा २०७८ माघ १२ गते कोभिड १९ सम्बन्धि सचेतना तथा सर्वसाधारणलाई मास्क वितरण कार्यक्रम सम्पन्न भएको छ ।
हाम्रो स्वास्थ्य हाम्रो जिम्मेवारी, सचेतना अपनाई हटाऔ माहामारी भन्ने सन्देश सहित बुधबार विहान ८ बजे देखि ११ बजे सम्म रामधुनी नगर हाटबजार परिक्रमा सहित सडकमा मास्क नलगाई हिड्ने ७ सय भन्दा बढि पैदल यात्रु, साईकल सवारी, मोटर साईकल सवारी लगायतका सर्वसाधारणलाई मास्क प्रयोग गर्नुको महत्व बुझाउदै मास्क वितरण गरेका थिए ।
ईलाका प्रहरी पकलि अन्तर्गत समुदाय प्रहरी अभियान टोली समेतका सुरक्षाकर्मीहरुको उपस्थितीमा जेसिजका स्वयंसेवी युवा युवतिहरुले कोभिड सुरक्षा सावधानी अपनाई सचेतना कार्यक्रम संचालन गरेका हुन ।
कोभिडको तेश्रो चरण लहरको प्रभाव छोटो समयमा नै बढदै जादा स्थानीय रुपमा सक्रिय युवाहरुमार्फत सचेतना विस्तार गर्ने र जनमानसमा स्वास्थ्य सुरक्षा प्रवद्र्धन गर्न प्रोत्साहन पुरयाउने उद्धेश्यले यो कार्यक्रम संचालन गरिएको झुम्का जुनियर जेसिजका अध्यक्ष मिलेनियम निरौला ले बताएका छन् ।
बिशेषगरि विहानी र साझको समयमा रामधुनी नगर र आसपासका क्षेत्र बाट दैनिक ज्यालादारीमा नजिकैका सहर सम्म पुग्ने स्थानीयहरु र यात्रुहरुले मास्कको प्रयोग गर्न नसकेको देखिएकोले स्वयसेवी रुपमा झुम्का जेसिजले आजको सचेतना कार्यक्रम संचालन गरीएको झुम्का जेसिजका अध्यक्ष द्धारिका घिमिरे (सुवोध)ले बताएका छन ।
Copyright © 2019 / 2026 - Junkirikhabar.com All rights reserved
