नेपाली काँग्रेस सुन्दरहरैंचा नगर सभापति भक्ति प्रसाद सिटौलाले आगामी निर्वाचनमा मेयरको उम्मेदवार बन्ने घोषणा गर्नुभएको छ। मंगलबार सुन्दरहरैंचा–७ को टोल समिति गठन कार्यक्रममा सिटौलाले आफ्नो दाबेदारी प्रस्तुत गर्नुभएको हो ।
कोइराला प्यानलबाट नगर सभापतिमा उम्मेदवार भएको बेला नै मेयरको टिकट दिने सहमति भए अनुसार आफू अगाडि बढेको वहाँको भनाई छ ।
मोरङ क्षेत्र नम्बर ६ का क्षेत्रीय सभापति देवराज तामाङ आफैले टिकट दिलाउने बाचा गरेको तर पछि तामाङले छुट्टै मेयरको उम्मेदवार बन्ने घोषणा गर्दै हिँडेपछि आफू अग्रसर भएको सिटौलाले बताउनुभयो । तामाङले केहिदिन अगाडी सुन्दरहरैचा–५ को टोल समिति गठन कार्यक्रममा आफू मेयरको उम्मेदवार बन्ने तयारीमा रहेको घोषणा गरिसक्नुभएको छ ।
सोही कार्यक्रममा वाड न ७ को छैठौ टोल विकास समिति समेत गठन गरिएको छ । टोल विकास समितिको अध्यक्षमा ओम बहादुर कट्टेल चयन हुनु भएको छ ।
Copyright © 2019 / 2026 - Junkirikhabar.com All rights reserved
