इटहरीमा ब्रदर्श स्नोकर हाउसको आयोजनामा पूर्वाञ्चल ओपन स्नुकर च्याम्पियनसिप हुने भएको छ । शनिबार इटहरीमा पत्रकार सम्मेलन गर्दै आयोजकले यही फागुन २१ गतेदेखि २८ गतेसम्म प्रतियोगिताको आयोजना गरिएको जानकारी दिएको हो ।
स्नुकर खेलाडीको मनोबल उच्च पार्दै स्नुकर खेल र खेलाडीको प्रबर्द्धन तथा सम्बर्धनमा टेवा पु¥याउने उद्देश्यसहित प्रतियोगिताको आयोजना गरिएको ब्रदर्श स्नोकर हाउसले जनाएको छ । यसअघि पनि दुई पटक प्रतियोगिताको आयोजना गरेको ब्रदर्श स्नोकरले यस पटक भने प्रदेश १ लाई समेट्ने प्रयास गरेको हो । प्रतियोगितामा ६४ जना प्रतियोगीले सहभागिता जनाउने बताउँदै ब्रदर्श स्नोकर हाउसका अध्यक्ष कृष्ण गुप्ताले प्रथम पुरस्कार ३० हजार रुपैयाँ नगद, दोस्रो हुनेलाई १० हजार र तेस्रो तथा सन्तवना पुरस्कार ५ हजार राखिएको जानकारी दिनुभयो । खेलमा ७५ को ब्रेक हान्ने खेलाडीलाई ५० हजार नगर प्रदान गरिने अध्यक्ष गुप्ताले बताउनुभयो ।
त्यस्तै प्रतियोगिताका उत्कृष्ट ८ लाई स्टिक र बक्स, उत्कृष्ट १६ लाई ट्रफी र प्रमाणपत्र, हाइयेस्ट पोइन्ट, ब्रेकर, वेस्ट प्लेयर, राइजिङ प्लेयर लगायतलाई पनि पुरस्कार प्रदान गरिने छ । प्रतियोगितामा सहभागीका लागि १५ सय रुपैयाँ इन्ट्री फि राखिएको छ ।
Copyright © 2019 / 2026 - Junkirikhabar.com All rights reserved
