मार्च १ अर्थात् फागुन १७ गते अन्तराष्ट्रिय ह्वीलचियर दिवसको अवसरमा इटहरीमा ‘ह्वीलचियर रन’ हुने भएको छ । स्पाईनल ईन्जुरी संघ प्रदेश १ को आयोजनामा सुनसरीको इटहरीमा ‘ह्वीलचियर रन’ हुने भएको हो । रनमा २५ जना पुरुष र १५ जना महिलाको सहभागिता रहने आइतबार पत्रकार सम्मेलनमार्फत् आयोजकले जानकारी दिएको छ ।
रनमा प्रदेश १ का एक सय भन्दा बढी स्पाईनल ईन्जुरी भएका ह्वीलचियर प्रयोगकर्ताहरु सहभागी रहने संघका प्रदेश १ अध्यक्ष विक्रम घिमिरेले जानकारी दिनुभयो । इटहरी उपमहानगरको वडा नम्बर १ को आँपगाछीबाट हलगडा चौकसम्म रन हुने जनाइएको छ ।
प्रतियोगितामा प्रथम, द्वितिय र तृतिय हुने महिला र पुरुषलाई क्रमश पाँच हजार, चार हजार र तीन हजार प्रदान गरीने अध्यक्ष घिमिरेले जानकारी दिनुभयो । सो कार्यक्रममा दुई लाख २३ हजार खर्च हुने अनुमान गरिएको छ ।
Copyright © 2019 / 2026 - Junkirikhabar.com All rights reserved
