फागुन १६, २०७८
जुनकिरी खबर

इटहरीमा दुईवटा पुलको उद्धघाटन

इटहरी उपमहानगरपालिकाको बडा नम्बर ४ मा टेङ्ग्रा खेलामा निर्माण गरिएको पक्की पुलको उद्घाटन गरिएको छ । एमाले संसदीय दलका नेता भीम आचार्यले तथा नगर प्रमुख द्वारिकालाल चौधरीले सयुक्त रुपमा पुलको उद्घाटन गर्नुभएको हो ।

नगरमा बनेका शिक्षा, स्वास्थ्य, बाटो तथा पुलहरुको आफ्नो कार्यकालको अन्त्यसम्म ‘उद्घाटनको लहर’ चलाएको इटहरी उपमहानगर पालिकाका मेयर द्वारिकालाल चौधरीले बताउनुभयो ।

सुइस सरकार र इटहरी उपमहानगरपालिकाको सहयोमा ३ करोड ६० लाखमा पुलको निमार्ण सम्पन भएको इटहरी उपमहानगरपालिकाका इन्जिनियर जीवन घिमिरेले जानकारी दिनुभयो । पुल निर्माण भएपछि इटहरी ४ संगीत चौक र भेटघाट चौक हुँदै सडक मार्ग निस्कन अब सहज हुनेछ ।

आजै इटहरी ५ र ७ को सिममा रहेको सुकमारी खोलामा बनेको पुलको समेत एमाले संसदीय दलका नेता भीम आचार्यले उद्घाटन गर्नुभएको थियो ।