मानसिक रोगी तथा सडकबाट उद्धार गरेकाहरुलाई आश्रय दिदै आएको माया घर नेपालले इटहरी बजार क्षेत्रमा सरसफाई गरेको छ ।
सामाजीक क्षेत्रमा काम गर्दै आएको माया घर नेपालको अक्षयकोषका स्थापनार्थ यही फागुन २१ गते देखि २८ गते सम्म सञ्चालन गर्ने श्रीमद भागवत जिवन दर्शन महायज्ञको प्रचारप्रसारका साथै सरसफाईका विषयमा जनचेतना जगाउने उद्धेश्यले सरसफाइ गरिको हो ।
सडक मानव वसोवास रहित बनाउने सरकारी योजनालाई सफल बनाउने काम गर्दै आएको मायाघर नेपालले आयोजन गर्न लागेको महायज्ञकै सन्र्दभमा सरसफाइको माध्यमबाट नगरवासिमा जनचेतना जगाउन सरसफाई कार्यक्रम गरिएको मायाघरकी सचिव सुभद्रा प्याकुरेलले जानकारी दिनुभयो ।
आश्रितहरुको सेवाका लागि अक्षयकोषका स्थापनार्थ आयोजना गर्न लागेको पुराणको प्रचार प्रसारका लागि इटहरी बजार क्षेत्रमा सरसफाई गरिएको छ । सरसफाई कार्यक्रममा गायिका गंगा गौतम,इटहरी क्षेत्रका सामाजिक अगुवाहरुका साथै विभिन्न संघसस्थाका प्रतिनिधिहरुको सहभागिता रहेको थियो ।
Copyright © 2019 / 2026 - Junkirikhabar.com All rights reserved
