इटहरी ६ स्थित अटो सिटी बजाज सोरुमले प्रहरीलाई बिधुतिय अटो हस्तान्तरण गरेको छ । शुक्रबार एक कार्यक्रमको आयोजना गरी समुदाय प्रहरी साझेदारी कार्यक्रमको अवधारणा अनुरूप सोरुमका प्रबन्धक प्रदिप सन्थालियाले ९ सिट क्षमता भएको १ थान बिधुतिय अटो १ नम्वर प्रदेश प्रहरी कार्यालयका प्रमुख प्रहरी नायव महानिरीक्षक अरुण कुमार बि.सीलाई हस्तान्तरण गर्नु भएको हो । उक्त इलेक्ट्रोनिक अटो इलाका प्रहरी कार्यालय इटहरीले प्रहरी गस्ती पेट्रोलिङमा प्रयोग गर्ने छ ।
कार्यक्रममा टेम्पोको चावि ग्रहण गरिसकेपछि बोल्दै प्रहरी नायव महानिरिक्षक(डिआईजी) अरुण कुमार बिसीले अटोसिटिका प्रवन्धक सन्थलियालाई धन्यबाद दिँदै यसले प्रहरीले समाजमा पुर्याउने शान्ति सुब्यवस्थामा थप मद्दत पुग्ने बिश्वास ब्यक्त गर्नुभयो।उहाँले प्रहरीले समाजमा शान्ति सुब्यवस्था कायम गर्न समयमै पुग्न अटोले मद्दत पुर्याउने भन्दै प्रहरी कर्मचारीहरुलाई उच्च मनोबल लिएर काम गर्न निर्देशन समेत दिनुभयो।
उक्त कार्यक्रममा सुनसरीका प्रमुख जिल्ला अधिकारी इन्द्रदेव यादव, जिल्ला प्रहरी कार्यालय सुनसरीका प्रमुख प्रहरी उपरीक्षक संजय सिंह थापा, १ नम्बर प्रदेश ट्राफिक प्रहरी कार्यालयका प्रमुख प्रहरी उपरीक्षक बासुदेव खतिवडा, बिभिन्न संघ संस्थाका प्रतिनिधि, पत्रकार, नागरिक समाज तथा स्थानीय समेतको उपस्थिति रहेको थियो ।
Copyright © 2019 / 2026 - Junkirikhabar.com All rights reserved
