इटहरी उपमहानगरमा बडा नम्बर ९ मा महिलाहरूको लागि चौध दिने उनद्वारा हेण्डिक्राफ्ट, ब्याग तथा बिभिन्न सामाग्री बनाउने तालिम आयोजना गरिएको छ । नेपाल ग्रिन लिक फाउन्डेसन प्रा.लिको आयोजनामा शुरु भएको तालिमलाई उधोग श्रम तथा रोजगार मन्त्रालय प्रदेश न.१ को कार्यालयले सहयोग गरेको छ ।
आइतबारदेखि सुरु भएको उक्त तालिममा २५ जनालाई प्रशिक्षण दिने योजना रहेको नेपाल ग्रिन लिक फाउन्डेसन प्रा.लि इटहरीकी अध्यक्ष निर्मला चौधरीले जानकारी दिनुभयो । महिलाहरूलाई स्वरोजगार बनाइ आय आर्जनमा सहज बनाउने उद्देश्यले तालिमको आयोजना गरिएको वहाँको भनाई छ ।
तालिम उद्घाटन कार्यक्रमका प्रमुख अतिथि इटहरी उपमहानगरमा बडा नम्बर ९ का वडा सदस्य शिव राम शर्माले बेरोजगार महिलाहरूलाई रोजगार दिनका लागि प्रदेश मन्त्रालयको सहयोगमा बिभिन्न तालिम सञ्चालन भइरहेको बताउनुभयो । प्रदेश मन्त्रालयको सहयोगमा ग्रिन लिक फाउन्डेसनले इटहरी बाहेक अन्य स्थानीय तहमा समेत पुगेर महिलाहरूलाई बिभिन्न सीपमुलक तालिम आयोजना गदै आएको छ ।
Copyright © 2019 / 2026 - Junkirikhabar.com All rights reserved
