साउन २२, २०७६
जुनकिरी खबर

४ सिमेन्ट उद्योगलाई कारबाही

गुणस्तर तथा नापतौल विभागले कम गुणस्तरको सिमेन्ट उत्पादन गर्ने ४ सिमेन्ट उद्योगलाई कारबाही गरेको छ । विभागले नेपाल अल्ट्राटेक सिमेन्ट, चितवन सिमेन्ट, अम्बुझा सिमेन्ट र जानकी सिमेन्टलाई कारबाही गरेको हो ।

‘ती उद्योगले उत्पादन गरेका ओपीसी र पीपीसी सिमेन्टमा आइआर र एमजिओको मात्रा उच्च पाइयो,’ विभागका महानिर्देशक विश्वबाबु पुडासैनीले भने, ‘जसले गर्दा कारबाही प्रक्रिया अघि बढाएका छौं।’

विभागले असारमा २५ सिमेन्ट उद्योगको नमुना संकलन गरेको थियो। जसमध्ये नेपाल अल्ट्राटेकको ओपीसी उत्पादन आइआर नेपाल गुणस्तर अनुसार थिएन। उक्त सिमेन्टलाई बिक्री बितरणमा रोक गरी स्पष्टीकरण माग गरिएको उनले बताए। चितवन सिमेन्टको पीपीसी उत्पादनमा पनि आइआरको समस्या रहेको इजाजत पत्र रद्द गरिएको छ।'

पटक-पटक परीक्षण र निर्देशन दिँदा पनि सुधार भएन,’ उनले भने, ‘उक्त सिमेन्टको इजाजत रद्द गरेका छौं।’ विभागका अनुसार आइआर भनेको मिसावटलाई जनाउँछ। धेरै मिसावट हुँदा बलियो हुँदैन। यस्तै, अम्बुझा सिमेन्टको पनि इजाजत पत्र स्थगन भएको छ। उक्त उद्योगले उत्पादन गर्ने ओपीसी सिमेन्टमा एमजिओको प्रतिशत उच्च फेला परेको थियो। ‘ओपीसीमा एमजिओको अधिकतम मात्र ६ प्रतिशत मात्रै हो। तर, नमुना परीक्षण गर्दा ७.३ प्रतिशत फेला पर्‍यो,’ महानिर्देशक पुडासैनीले भने, ‘जसले गर्दा इजाजत पत्र स्थगन गरेका छौं।

सम्बन्धित समाचारहरु

सुनसरीका यी पोल्ट्री ...

जिल्लाका विभिन्न स्थानमा बर्ड फ्लु देखिएपछि नियन्त्रणका लागि पहल गरिएको छ । जिल्ला प्रशासन कार्यालयल ...

इटहरीमा स्कुल बसको ठ ...

इटहरीमा बोर्डिङ स्कुलको बसले ठक्कर दिँदा एक पैदलयात्रीको मृत्यु भएको छ । इटहरी उपमहानगरपालिका– ...

दुहबी–१० मा टहरा हटा ...

दुहबी नगरपालिका–१० मा ऐलानी जग्गामा बनेका घर–टहरा हटाउने क्रममा एक महिलामाथि सुरक्षाकर्म ...

इटहरी गोल्डकपको उपाध ...

६ औँ संस्करणको अन्तर्राष्ट्रिय आमन्त्रण इटहरी गोल्डकप फुटबल प्रतियोगिताको उपाधि गछिया युवा समाज मोरङ ...

४ सिमेन्ट उद्योगलाई कारबाही

हाम्रो बारेमा

सम्पर्क