इटहरी उपमहानगरपालिकाको वडा नम्बर ५ को कार्यालय भवन उद्घाटन भएको छ । सोमबार एक समारोहबीच मेयर द्धारिकलाल चौधरीले वडा कार्यालयको भवन उद्घाटन गर्नु भएको हो । कार्यक्रममा मेयर चौधरीले बहुवर्षे योजना अन्तर्गत धेरै योजना सञ्चालनमा रहेको जानकारी दिनुभएको छ ।
केही योजना निर्माण भइसकेको छन् भने केही अबको केही समय भित्रै सम्पन्न गर्ने लक्ष्यका साथ अगाडि बढेको मेयर चौधरीले बताउनु भयो । चौधरीले इटहरीमा पूर्वाधार निर्माणले फडको मारेको दावी समेत गर्नुभयो । कार्यालय भवन भएपछि ५ नं. वडा वासीलाई सेवा लिन सहज भएको मेयर चौधरीले बताउनुभयो ।
इटहरीकी उपमेयर लक्ष्मी गौतमले आफ्नो कार्यकालमा पूर्वाधार निर्माणको काम उल्लेखनीय उपलब्धि गरेको बताउनु भयो । उपमेयर गौतमले वडा कार्यालय भवनहरूको निर्माणसँगै प्रत्येक वडामा आधारभूत स्वास्थ्य इकाई भवन, बहुवर्षे योजना अन्तर्गत गाउँ गाउँका मूलबाटो कालोपत्रे भएको समेत वहाँले जानकारी दिनुभयो ।
कार्यक्रममा बोल्दै वडा अध्यक्ष कल्याण बहादुर कार्कीले वडाको बजेट बिनियोजन पारदर्शी बनाइएको र विकासका सन्दर्भमा समेत अन्य वडा भन्दा ५ नं. वडा पहिलो स्थानमा रहेको बताउनुभयो ।
Copyright © 2019 / 2026 - Junkirikhabar.com All rights reserved
