चैत १, २०७८
जुनकिरी खबर

इटहरी नमुना कलेजमा रक्तदान आयोजना

१६ औं विश्व सामाजिक कार्य दिवसको अवसरमा इटहरी नमुना कलेजले बृहत रक्तदान कार्यक्रम आयोजना गरेको छ । कलेजको सामाजिक कार्य (बियसडब्लु) विभागद्वारा आयोजना गरिएको कार्यक्रममा ६० जनाले रक्तदान गरेका थिए । जसमा कलेजका विद्यार्थी तथा शिक्षकहरूले रक्तदान गरेका थिए ।

दुर्घटना तथा अन्य कारणले घाइते भएका बिरामीहरूलाई आवश्यक रगत अभाव भइरहेको समयमा कलेजले रक्तदान कार्यक्रम आयोजना गरेको कलेजका प्रिन्सिपल धर्म न्यौपानेले जानकारी दिनुभयो । रेडक्रस सोसाइटीको प्राविधिक समन्वयमा रक्तदान कार्यक्रम आयोजना गरिएको थियो । सबैलाई समेटौँ नवीन पर्यावरणीय सामाजिक विश्वको सहनिर्माण गरौँ भन्ने अन्तराष्ट्रिय नाराका साथ आज विश्वभर विभिन्न कार्यक्रम गर्दै यो दिवस मनाइएको छ ।