माया घर नेपालको आयोजनामा सम्पन्न भएको श्रीमदभागवत जीवनदर्शन कथा सत्सगको आयव्यय सार्वजनिक गरेको छ । गत फागुन २१ गते देखि २ं८ गते सम्म सञ्चालन भएको भागवत जीवनदर्शन कथा वाचनबाट नगद ५८ लाख २ हजार १८ रुपैया संकलन भएको संस्थाका आर्थिक संयोजक दिपक दाहालले पत्रकार सम्मेलनमा जानकारी दिनुभयो ।
माया घर नेपालको परिकल्पना ,सडक मानव रहित नेपालको स्थापना भन्ने मूल नराका साथ लगाईएको भागवत जीवनदर्शन कथा सत्सङबाट बैंक र आईएमई साथै ,नगद आम्दानी बाट उठेको रकमको ब्याजले मायाघरमा आश्रितहरुका लागि गाँस, बासको ब्यवस्था मिलाउने योजना रहेको संस्थाकी अध्यक्ष भागवत मञ्जरी राधिका दासीले बताईन ।
पत्रकार सम्मेलनमा सत्सगक आयोजना गर्न २९ लाख ७८ हजार ६ सय ७० खर्च भएको जनाइएको छ । सत्सगबाट करिब रु.१ करोड उठ्ने अनुमान गरेपनि अनुमानित रकम उठ्न नसकेको सम्मेलनमा जानकारी गराइयो । आगामि दिनमा पनि बिभिन्न कार्यक्रमहरुको आयोजना गरि अक्षयकोषमा एक करोड पुर्याउने लक्ष्य रहेको माया घरले जनाएको छ ।
सत्सगंमा बिभिन्न सञ्चारका माध्यमबाट योगदान पुर्याउने सञ्चारकर्मीहरुलाई सम्मेलनमा प्रसंशा पत्रले सम्मान गरिएको थियो ।
Copyright © 2019 / 2026 - Junkirikhabar.com All rights reserved
