इटहरी उपमहानगरपालिका वडा न. २ शिव चोकमा नेपाली कांग्रेसले शिवालय टोल समिति र महिला समिति गठन गरेको छ । टोल समितिको सभापतिमा जय बहादुर राई र महिला समितिको सभापतिमा अन्जना तामाङ राई चयन हुनुभएको छ । यो सँगै काँग्रेस इटहरी नगर समितिले इटहरी उपमहानगरपालिकामा २८ वटा टोल समिति गठन गरिसकेको छ । कार्यक्रममा नेकपा एमालेबाट पार्टी परित्याग गरी दुई दर्जन बढीले नेपाली कांग्रेसमा पार्टी प्रवेश गरेका थिए ।
नेपाली कङ्ग्रेस अब वैशाख ३० मा हुने निर्वाचनमा फरक ढङ्गले प्रस्तुत हुने केन्द्रीय महाधिवेशन प्रतिनिधि विकास केसीले जानकारी दिनुभयो । कम्युनिष्टहरूले जनतालाई झुक्याउने बाहेक अरु केही नगरेको र अब हुने निर्वाचनमा काँग्रेस १ नम्बर पार्टी बन्ने केसीले बताउनुभयो ।
नेपाली कांग्रेसका वडा सभापति दिपेन्द्र घिमिरेको सभापतित्वमा भएको कार्यक्रममा पूर्व मन्त्री एवम् सासंद सीताराम मेहता, काँग्रेस सुनसरी उप सभापति नागेशचन्द्र राई, नगर सभापति हेमकर्ण पौडेल, केन्द्रीय महाधिवेशन प्रतिनिधि भिम पौडेल, विकास केसी, विमला ढकाल, लगायत प्रदेश सदस्य, क्षेत्रीय प्रतिनिधि, प्रदेश महाधिवेशन प्रतीनीधीहरुको उपस्थिति रहेको थियो ।
Copyright © 2019 / 2026 - Junkirikhabar.com All rights reserved
