सगरमाथा डेरी विशिष्टीकृत सहकारी संघ लिमिटेड इटहरी र अजोड इन्स्युरेन्सबीच कृषि तथा पशुपन्छी बिमा सम्बन्धी सहमति पत्रमा हस्ताक्षर भएको छ ।
तीनदिने अभीर्कता आधारभुत तालिमको समापन समारोहका बीच इन्स्योरेन्सका तर्फबाट दिनेश दाहाल र सहकारी तर्फबाट अध्यक्ष बाबुराम खत्रीले सहमति पत्रमा हस्ताक्षर गर्नु भएको थियो । कृषि क्षेत्रमा हुने हानी नोक्सानीबाट किसानलाई असर नपुगोस् र असर भएमा बीमाका माध्यमबाट त्यसको भरपाई होस भन्ने उद्धेशयका साथ सहकारी संघ र बिमा कम्पनी बीच सहमति भएको अध्यक्ष बाबुराम खत्रीले जानकारी दिनुभयो ।
साथै अब सहकारी कार्यालय मार्फत कृषि क्षेत्रदेखि सबै क्षेत्रको बिमा गर्नको लागि एजेन्टहरूको सुविधा समेत दिइने बताउनुभयो ।
कार्यक्रममा १५ वटा सहकारी संस्थाका प्रतिनिधि र २० जना प्राविधिक गरी ३५ जनाले कृषि तथा पशुपन्छी बिमा अभिकर्ता आधारभूत तालिम लिएका थिए । तालिममा सहभागीहरूलाई सगरमाथा डेरी विशिष्टीकृत सहकारी संघ लिमिटेड इटहरी र अजोड इन्स्योरेन्सका पदाधिकारीहरूले प्रमाण पत्र वितरण गर्नुभएको थियो । कार्यक्रममा धरान डेरी विशिष्टीकृत सहकारी संघका प्रबन्धक जयराम कार्की लगायत बिभिन्न सहकारी संस्थाका पदाधिकारीहरूको उपस्थिति रहेको थियो ।
Copyright © 2019 / 2026 - Junkirikhabar.com All rights reserved
