झुम्का खानेपानी तथा सरसफाइ मुल उपभोक्ता समितिले खानेपानी बिस्तारका लागि झुम्का सहरी खानेपानीको शिलान्यास गरिएको छ ।
संघीय सरकारको खानेपानी मन्त्री उमाकान्त चौधरीले ९ लाख लिटर क्षमताको ओभरहेड टैंकी शिलान्यास गर्नु भएको हो । रामधुनी नगरवासीहरूमा समयमै स्वच्छ खानेपानी उपलब्ध गराउन समयसीमा भित्रै योजना सम्पन्न गर्न निर्देशन दिनुभयो । खानेपानी मानव स्वास्थ्यमा प्रत्यक्ष भूमिका खेल्ने भएकोले पूर्ण व्यवस्थापनमा व्यवस्थित रूपले सञ्चालन हुनु पर्ने बताउनु भयो । ओभरहेड टैंकी निर्माणले रामधुनी नगरवासी २४ औ घण्टा स्वच्छ खानेपानी पाउने बताउनु भयो । झुम्का सहरी खानेपानी रामधुनी वडा नं. १, २, ३ र ५ मा बिस्तार हुने जनाइएको छ ।
ओभरहेड टैंकी निर्माणको लागि ६१ करोड ७ लाख १२ हजार रकम लाग्ने छ। नेपाल सरकारको ७० प्रतिशत, नगर विकास कोषको २५ प्रतिशत ऋण सहयोग, नगरपालिका र उपभोक्ताहरु बाट ५ प्रतिशत लागत साझेदारीमा टैंकी निर्माण हुन लागेको हो । टैंकी निर्माणका लागि शर्मा भिमेश्वर जे. भी.ले ३६ करोड ५३ लाख ८१ हजारमा ठेक्का पाएको छ ।
झुम्का खानेपानी तथा सरसफाइ मूल उपभोक्ता समितिका अध्यक्ष केशि लाल चौधरीको सभाध्यक्षमा आयोजित शिलान्यास कार्यक्रममा प्रदेश सभा सदस्य नवोदित चौधरी, खानेपानी मन्त्रालय सचिव सुरेश आचार्य, नगरप्रमुख जयप्रकाश चौधरी, नेपाली कांग्रेसका नगर सभापति सुदीप अधिकारी लगायतले खानेपानीको महत्व बारेमा बोल्नु भएको थियो ।
Copyright © 2019 / 2026 - Junkirikhabar.com All rights reserved
