सुनसरीको इटहरी उपमहानगरपालिका बडा नम्बर ९ मा अबस्थीत डिभिएम स्कुलको ‘ग्राउण्ड’मा रहेको क्रिकेट खेल मैदानलाइ जनतापार्क’ बनाउने काम उपमहानगरपालिकाले सुरु गरेको छ । ५ करोड ५५ लाख रुपैयामा निर्माण हुन लागेको जनता पार्क निर्माणको लागि पहिलो चरणमा पार्कको संरचना बनाउने काम यो हप्ताबाट शुरु हुदैछ ।
मंसिर २३ गते इटहरी उपमहानगरपालिका र प्रेरा गिरी जेभी ललितपुरबिच पार्क निर्माणको ठेक्का सम्झौता भएको थियो । तर उपमहानगरले पार्कलाई पहिलो प्राथमिकता राखी क्रिकेट खेलमैदान हटाउन खोजीएको भन्दै खेलाडीहरु रुष्ट छन् । इटहरीमा रहेको १ मात्र क्रिकेट खेल मैदानमा ७ औँ राष्ट्रिय खेलकुद अन्तर्गतको महिला क्रिकेटका सम्पूर्ण खेल भएको र राष्ट्रिय स्तरबाट ध्यानाकर्षण भएको खेल मैदानलाई मासि उपमहानगरले पार्क निमार्ण गर्नु दुखद भएको सुनसरी जिल्ला क्रिकेट संघका सुनसरी अध्यक्ष सिपी पौडेल बताउनुहुन्छ । पार्क निर्माण गर्दा क्रिकेट खेल मैदान समेत अटाउनु पर्ने वहाँ बताउनुहुन्छ ।
इटहरी उपमहानगरपालिकाले बार्षिक लाखै रुपैया रकम खेलकुदमा बियोजन गर्ने गरेको छ । तर यसरी स्थानीय स्तरमा भएको खेल मैदान मासी पार्क निमार्ण गर्नु दुखद बिषय भएको खेलाडीहरु बताउछन् । इटहरी उपमहानगरले जनतापार्क निर्माणको लागि तयार पारेको डिपिआरमा समेत क्रिकेट खेल मैदान समाबेश गरिएको छैन ।
यता इटहरी उपमहानगरपालिकाकी उपमेयर लक्ष्मी गौतमले भने डिभिएम स्कुलको क्रिकेट ग्राउण्डलाई इटहरी १० नं. वडा सार्ने र तत्काल क्रिकेटको मैदानलाई कुनै क्षति नगरि पार्क निर्माण गर्ने बताउनुभयो ।
हालको क्रिकेट मैदान डिभिएम स्कुलले उपयोग गदै आएको थियो । तर मेयर द्धावारिकलाल चौधरी र डिभिएम स्कुल प्रशासनबिच ऐलनी जमिनमा बिद्यालय बनेको बिषयमा विवाद भएको थियो । सोही विवादको क्रममा मेयर चौधरीले उक्त मैदानमा जनता पार्क बनाउने घोषणा गरेका थिए ।
यस कारण पनि बिद्यालय प्रशासन र मेयरबिचको विवादले इटहरीको एक मात्र क्रिकेट मैदान गुम्न लागेको जानकाहरु बताउछन् । अहिले इटहरी उपमहानगरको यो कदमको सामाजिक सञ्जालहरुमा समेत बिरोध भइरहेको छ ।।
Copyright © 2019 / 2026 - Junkirikhabar.com All rights reserved
