चैत २०, २०७८
जुनकिरी खबर

इटहरीमा साहित्यिक उत्सव हुने

इटहरीमा पहिलो पटक भाष साहित्य तथा कला सम्बन्धी साहित्यिक उत्सव हुने भएको छ । इटहरी भाषा ,साहित्य कला सृजना परिषदको आयोजनामा यहि चैत्र २६ र २७ गते वृहत साहित्यिक उत्सव हुने भएको हो । उत्सवबारे जानकारी दिन आयोजित पत्रकार सम्मेलनमा बोल्दै परिषदका संयोजक कृष्णविनोद लम्सालले कला सांस्कृतिक तथा साहित्य क्षेत्रलाई जगेर्ना गर्ने उद्देश्यले उत्सव आयोजना गर्न लागेको जानकारी दिनुभयो ।

उत्सवमा प्रदेश एकका बिभिन्न जिल्लाहरुबाट प्रख्यात साहित्य तथा कला क्षेत्रका व्यक्तिहरूको उपस्थिति रहने जनाइएको छ । उत्सवमा मूर्तिकला , चित्रकला प्रदर्शनी तथा , गजल,कविता वाचन , नाट्य प्रदर्शनी ,सांस्कृतिक कार्यक्रम लगायत मनोरञ्जनात्मक कलाहरु प्रस्तुती गरिने छ । कार्यक्रम इटहरीको लायन्स क्लबमा हुने जनाइएको छ ।