सगुन कृषि सहकारी संस्था लिमिटेड इटहरीले इनरुवा २ स्थित बबियामा किसान लक्षित कस्टम हायरिङ सेवा केन्द्रको स्थापना गरेको छ । बिहिबार एक कार्यक्रमकाबिच १ नं प्रदेश सरकारका कृषि मन्त्री झलक बहादुर मगरले सेवा केन्द्रको उदघाटन गर्नुभयो ।
सगुन सहकारीका अध्यक्ष टिका बनको अध्यक्षतामा भएको कार्यक्रममा इनरुवादेखि दक्षिवर्ती क्षेत्रका कृषकहरुलाई आबश्यक पर्ने आधुनिक कृषि सामाग्रीहरु अब यस हायरिङ सेवा केन्द्रमा उपलब्ध हुनेछ । केन्द्रमा धान काट्ने मेशिन, पराल मुठा बनाउने, हिलोमा धान रोप्ने, थ्रेसर मेशिन जस्ता कृषि सामाग्रीहरु उपलब्ध छन् ।
आधुनिक कृषि प्रणालि अन्तगर्त सहकारीले खरिद गरेको सामानहरु कृषकहरुलाई भाडामा उपलब्ध गराउने उदेश्यका साथ हायरिङ सेवा केन्द्रको स्थापना गरिएको जनाइएको छ । कार्यक्रममा प्रतिनिधि सभा सदस्य मिताराम मेहेता, जनप्रतिनिधि तथा कृषकहरुको उपस्थिति रहेको थियो ।
Copyright © 2019 / 2026 - Junkirikhabar.com All rights reserved
