वैशाख ८, २०७९
जुनकिरी खबर

सुनसरीको दुहबीका १७ वर्षीय किशोरसहित दुई पक्राउ

विराटनगर महानगरपालिका १६ बाट निषेधित लागूऔषध ट्याब्लेटसहित दुईजनालाई प्रहरीले पक्राउ गरेको छ । भारतबाट नेपालतर्फ आउँदै गरेका सुनसरी दुहबी नगरपालिका ६ का १७ वर्षीय बिक्की सरदारको साथबाट १५ थान नाईट्रोजन ट्याब्लेटसहित पक्राउ गरिएको हो ।

यस्तै, विराटनगर ७ का २८ वर्षीय गणेश बिकको साथबाट डाईजोपाम ९ एम्पुल, लुपिजेसिक ९ एम्पुल, एभिल ९ एम्पुल र फेनारगन १ एम्पुल सहित सीमा प्रहरी चौकी रानीबाट खटिएको प्रहरी टोलीले नियन्त्रणमा लिएको हो ।

निषेधित लागूऔषधसहित पक्राउ परेका दुवैजनामाथि थप अनुसन्धान भइरहेको इलाका प्रहरी कार्यालय रानीले जनाएको छ ।