नेकपा एकीकृत समाजवादीका बरिष्ठ नेता झलनाथ खनालले बैशाख ३० गतेपछि पाँच दलीय गठबन्धन टनमा परिणत हुने बताउनुभएको छ ।
सोमबार लोकतान्त्रिक गठबन्धनले इटहरीमा आयोजना गरेको चुनावी सभालाई सम्बोधन गर्दै वरिष्ठ नेता खनालले वैशाख ३० गतेपछि एमाले अध्यक्ष केपी ओली गुटको समाप्त हुने र पाँच दलीय गठबन्धन टनमा परिणत हुने दावी गर्नुभएको हो । उहाले संविधान निर्माणमा पनि सबै दलहरू एक भएको स्मरण गर्दै अहिले बनेको गठबन्धन संविधान रक्षाका लागि भएको तर्क राख्नुभयो ।
उहाँले इटहरीमा गठबन्धनको टीम विजयी हुने निश्चित जस्तै भएको दाबी गर्नुभयो । यस्तै चुनाबी सभालाई सम्बोधन गर्दै नेपाली कांग्रेसका महामन्त्री विश्वप्रकाश शर्माले वैशाख ३० गतेको निर्वाचन पार्टी एकता नभएर संविधान रक्षाका लागि तालमेल मात्र भएको बताउनुभयो ।
चुनाबी सभामा माओवादी केन्द्रका केन्द्रीय सदस्य रामनारायण विडारी, नेपाली काँग्रेसका केन्द्रीय सदस्य द्दय राजीव ढुंगाना र कल्पना चौधरीसँगै मेयरका उम्मेदवार हेमकर्ण पौडेल र उपमेयरका उम्मेदवार केशव विष्टले बोल्नुभएको थियो । यही बैशाख ३० गते हुने स्थानीय तहको निर्वाचनमा इटहरी उपमहानगरपालिकामा गठबन्धनको तर्फबाट मेयरमा नेपाली कांग्रेसका पौडेल र नेकपा एकीकृत समाजवादीबाट उपमेयरमा विष्ट चुनावी मैदानमा छन् ।
Copyright © 2019 / 2026 - Junkirikhabar.com All rights reserved
