सुनसरीमा सोमबारसम्म सार्वजनिक भएको चुनाबी नतिजा अनुसार नेपाली काँग्रेसले सवैभन्दा बढी वडा जितेको छ। निर्वाचन कार्यालयले सार्वजनिक गरेको नतिजामा नेपाली काँग्रेसले जिल्लाका १५ वडा वडा जितेको छ । ३० वटा वडाको नतिजा सार्वजनिक गरिएको एमालेले १० वटा वडा जितेको छ।
एकीकृत समाजवादी पार्टी र जनता समाजवादी पार्टीले दुई(दुईवटा वडा जितेको छ भने राष्ट्रिय प्रजातन्त्र पार्टीले एउटा वडा जितेको छ। निर्वाचन कार्यालयले दिएको जानकारी अनुसार धरान उपमहानगरपालिका वडा नं. ४ मा नेकपा एमालेका धनबहादुर राई विजयी हुनुभएको छ ।
उहाले ८२६ मत ल्याएर विजयी हुनुभएको हो । आइतबार नै सार्वजनिक भएको नतिजा अनुसार धरान उपमहानगरपालिका वडा नं १ मा नेपाली कांग्रेसका यज्ञमणी आचार्य, वडा नं. २ मा नेकपा एमालेका रमेश राई र वडा नं ३ मा गठबन्धनबाट कांग्रेसका अध्यक्ष विद्या शाक्य वडाध्यक्षमा विजयी हुनुभएको थियो । इटहरी उपमहानगरपालिका वडा नं. १ मा २० नेपाली काँग्रेसले जितेको छ। जसमा वडा नं. १ मा रतन कार्कीले १७४७ मत ल्याएर विजयी हुनुभएको छ ।
वडा नं. २० मा नेपाली काँग्रेसकै मणीराम श्रेष्ठले २४०६ मत ल्याएर विजयी हुनुभएको छ। सुनसरीको सदरमुकाम इनरुवा नगरपालिका वडा नं. १० र १ मा नेपाली काँग्रेसले जितेको छ। दुहवी नगरपालिका वडा नं. २ मा नेपाली काँग्रेस, वडा नं. ३ मा नेकपा एमाले र वडा नं. १ मा पनि एमालेले नै जितेको छ। यसैगरी, रामधुनी नगरपालिका वडा नं. १ मा नेपाली काँग्रेसका मेहष चौधरी र वडा नं. २ मा एमालेका रामनारायण चौधरीले प्यानलसहित विजयी हुनुभएको छ । बराहक्षेत्र नगरपालिका वडा नं. १ मा नेकपा एमालेका किसन थापाले १२३८ मत ल्याएर विजयी हुनुभएको छ ।
यस्तै, बर्जु गाउँपालिका वडा नं. ३ मा नेपाली काँग्रेस, वडा नं. १ र २ मा एमालेले जितेको छ। हरिनगर वडा नं. ६ मा नेपाली र वडा नं. ७ मा एकीकृत समाजवादीले जितेको छ। यस्तै, भोक्राहा नरसिंह गाउँपालिका वडा नं. ३ मा एकीकृत समाजवादी पार्टी, वडा नं. ४ मा नेपाली काँग्रेस र वडा नं. १ मा राष्ट्रिय प्रजातन्त्र पार्टीले जितेको छ। कोशी गाउँपालिका वडा नं. वडा नं. २ मा नेपाली काँग्रेस, वडा नं. ४ मा नेकपा एमाले, वडा नं. १ मा जनता समाजवादी पार्टीले जितेको छ।
देवानगञ्ज गाउँपालिका वडा नं. १ मा नेपाली काँग्रेस, वडा नं. ४ मा जनता समाजवादी र वडा नं. ५ मा नेकपा एमालेले जितेको छ । गढी गाउँपालिका वडा नं. १ मा नेपाली काँग्रेसले जितेको छ।
Copyright © 2019 / 2026 - Junkirikhabar.com All rights reserved
