प्रमुख निर्वाचन आयुक्त दिनेश थपलियाले १ नं. प्रदेशमा जारी बिभिन्न मतगणनाको निरीक्षण गर्नुभएको छ ।
मतगणना कार्य सुस्त भएको र नतिजा आउन ढिलाई भइरहेको जनगुनासो अत्यधिक आइरहेको बेला आयुक्त थपलियाले सुनसरी र मोरङका बिभिन्न मतगणना केन्द्रको निरीक्षण गर्नुभएको हो । वहाँले सम्बन्धित मतदान केन्द्रका निर्वाचन अधिकृतहरुलाई गणक संख्या दोब्बर बनाउन पनि निर्देशन दिनुभयो ।
थपलियाले कर्मचारीहरुको सुविधा बढाउन आयोग सकरात्मक रहेको भन्दै सहयोग गर्न सबै पक्षलाई आग्रह पनि गर्नुभयो । आयुक्त थपलियाले जेठ ५ गतेभित्र मतगणना कार्य सम्पन्न गर्नें गरि गणना कार्यलाई अघि बढाउन पनि निर्देशन दिनुभयो ।
वहाँले १२ गतेभित्र २०७४ मा निवार्चित जनप्रतिनिधिहरुको पदावधि सकिने भएकोले ६ गते नयाँ जनप्रतिनिधिहरुलाई स्थानीय सरकार हस्तान्तरण गर्न आयोग आतुर रहेको सञ्चारकर्मीलाई प्रतिकृया दिनुभयो । यता निर्वाचनमा एमालेले धाँधली गरेको आरोप लगाएकोबारे आयुक्त थपलियाले प्रमाणित नभएको कुरा बोलेर आफ्नो प्रतिष्ठा, उचाई र मर्यादा घटाउनेसँगै त्यसबारे पनि जवाफ खोज्न सञ्चारकर्मीसँग आग्रह गर्नुभयो ।
Copyright © 2019 / 2026 - Junkirikhabar.com All rights reserved
