इटहरीमा बलात्कार बिरुद्ध प्रदर्शन गरिएको छ । हालै सार्वजनिक भएको बलात्कार घटनामा संग्लनलाई कारवाही र पीडितलाई न्याय दिनुपर्ने भन्दै प्रदर्शन गरिएको हो । स्वतस्फुर्त रुपमा भेला भएका युवा युवतीहरुले इटहरी चौक परिक्रमा गदै बलात्कारका घटनाहरु दोहोरिरहदा पनि सरकारले उचित कदम चाल्न नसकेको प्रदर्शनमा सहभागीहरुले सरकारको बिरोध गरेका छन् ।
आठ बर्षअघि भएको मिस ग्लोबल इन्टरनेसनल प्रतियोगितामा सहभागी हुँदा होटलमा बोलाएर बलात्कार गरेको र त्यसपछिपनि निरन्तर शोषण गरिएको भन्दै एक युवतीले सामाजिक सञ्चालमार्फत खुलासा गरेको घटनालाई लिएर प्रदर्शन गरिएको जनाइएको छ ।
साथै सहयोग समर्थन नेपालकी केन्दिय्र अध्यक्ष रक्षा घिमिरेले बलात्कार र अन्य यौनजन्य हिंसासम्बन्धी उजुरी गर्ने हदम्याद हटाउनुपर्ने, दोषीलाई कडा कारवाही गर्नुपर्ने र पीडितलाई न्याय दिनुपर्ने मागसहित प्रदर्शन गरिएको जानकारी दिनुभयो । गोरखा डिपार्टमेन्ट अगाडी बाट सुरु भएको विरोध प्रदर्शन र्याली प्रहरी कार्यलय हुँदै इटहरी चोकमा पुगि कोणसभामा परिणत भएको थियो ।
Copyright © 2019 / 2026 - Junkirikhabar.com All rights reserved
