सुनसरीको हरिनगरा गाउँपालिकामा अध्यक्ष र उपाध्यक्ष पदमा नेपाली कांग्रेसका उम्मेदवार बिजयी हुनुभएको छ । नेपाली कांग्रेसको तर्फबाट अध्यक्ष पदमा गफार अन्सारी र उपाध्यक्ष पदमा रिमझिम कुमारी भगत दोश्रो कार्यकालको लागि बिजयी हुनुभएको हो ।
दुवै यस अघि २०७४ मा पनि निर्वाचित अध्यक्ष र उपाध्यक्ष रहनुभएको थियो । अध्यक्ष पदमा गफार अन्सारीले ६ हजार १ सय७२ मत र उपाध्यक्ष पदमा रिमझिम कुमारी भगतले ६ हजार २ सय १३ मत प्राप्त गरी बिजयी हुनुभएको जनाइएको छ । अध्यक्ष पदमा बिजयी भएका गफार अन्सारीको प्रतिद्वन्द्वी नेकपा एमालेको तर्फबाट हरिनगर गाउँपालिकाको अध्यक्ष पदका उम्मेदवार लस्करी अन्सारीले ५ हजार १ सय ५४ मत प्राप्त गरी पराजित हुनुभयो ।
अध्यक्ष अन्सारीले उनलाई १ हजार ८ मतले पछि पार्दै बिजयी हुनुभएको हो । त्यस्तै हरिनगर गाउँपालिकाको उपाध्यक्ष पदमा बिजयी भएकी रिमझिम कुमारी भगतको प्रतिद्वन्द्वी नेकपा एमालेकी कोशिला कुमारी साहुलाई ८ सय ७ मतले पछि पार्दै उनी बिजयी हुनुभएको हो ।
Copyright © 2019 / 2026 - Junkirikhabar.com All rights reserved
