बराहक्षेत्र नगरपालिकामा नव–निर्वाचित जनप्रतिनिधिलाई आइतबार स्वागत तथा सम्मान गरिएको छ । चक्रघट्टि जेसीजले मेयर रमेश कार्की, उपमेयर नन्दकुमारी सुनुवार, ११ वटै वडाका वडाध्यक्ष र सदस्यहरुलाई सम्मान गरिएको हो ।
सम्मान कार्यक्रममा मेयर कार्कीले वराहक्षेत्रको सर्वाङ्गीण बिकासको लागि पर्ने बताउनुभयो । उहाँले पार्टी, जात, वर्ण भन्दा माथि उठेर वराहक्षेत्रबासीको हितमा लागि पर्ने बताउनुभयो । सो क्रममा उपमेयर सुनुवरले पाँच वर्षभरी शाशक नभई सेवक भएर काम गर्ने बताउनुभयो । उहाँले वराहक्षेत्र नगरपालिकालाई पर्यकीय क्षेत्रको रुपमा बिकास गर्ने बताउदै राजनीति आग्रह पुर्बाह नराखी काम गर्ने बताउनुभयो ।
कार्यक्रममा वराहक्षेत्र – ८ का वडाध्यक्ष रोशन खड्का, चक्रघट्टी जेसीका पुर्वध्यक्ष दिनेश पोखरेल, वराहक्षेत्र वडा नंं. ४ का वडाध्यक्ष आशाराम चौधरी, चक्रघट्टि जेसीजका संस्थापक अध्यक्ष निश्चल बस्नेतलगायतले बोल्नुभएको थियो ।
Copyright © 2019 / 2026 - Junkirikhabar.com All rights reserved
