विराटनगर : प्रदेश १ को चालू दसौं एवं बजेट अधिवेशनबाटै प्रदेशको नाम टुंगो लगाउने निर्णय नेपाली कांग्रेसले गरेको छ। कांग्रेसका प्रमुख सचेतक सूयर्माराज राईका अनुसार पार्टीको प्रदेश संसदीय दलको बसेको बैठकले प्रदेशसभाको यही अधिवेशनबाट प्रदेशको नामकरण टुंगो लगाउने निर्णय गरेको हो।
प्रदेशको नाम राख्ने विषयमा कांग्रेसले अन्तर पार्टी छलफलका लागि पहल पनि थालेको उनको भनाइ छ। नामका लागि पार्टीभित्र समान धारणा बनाएर अघि बढ्ने सहमति भएको राईले बताए।
बैठकले संसदीय दलका नेता राजीव कोइरालालाई अन्य दलसँग प्रदेशको नामको विषयमा छलफल चलाउने जिम्मेवारी पनि दिएको छ। प्रदेशको राजनीतिक संयन्त्रका संयोजकसमेत रहेका कोइरालाले नामको विषयमा छलफल चलाएर अन्य दलसँग पनि सहमति जुटाउन पहल गर्नेछन्।
Copyright © 2019 / 2026 - Junkirikhabar.com All rights reserved
