इटहरीमा आयोजना गरिएको रक्तदान कार्यक्रममा ३२ जनाले रक्तदान गरेका छन । एकिकृत कल्याण फाउडेशन नेपालले इटहरी उपमहानगरपालिका परिषरमा आयोजना गरेको रक्तदान कार्यक्रममा ३२जना महिला पुरुषले रक्तदान गरेका हुन ।
रक्तदान कार्यक्रम आयोजक संस्थाकी अध्यक्ष रजिना तिम्सिनाको अध्यक्ष तथा इटहरी उपमहानगरपालिका वडा नम्बर ६का वडाध्यक्ष दिवस पोखरेलको प्रमुख आतिथ्य रहेको थियो । विगतका वर्षमा बर्षायाममा कम रक्तदान हुने गरेको तर्फ मध्यनजर गर्दै वर्षायामको समयमा पनि रगत अभाव नहोस भनेर रक्तदान कार्यक्रमको आयोजना गरिएको आयोजक संस्थाले जनाएको छ ।
नेपाल रेडक्रस सोसाइटी रक्तसंचार केन्द्र धरानका इञ्चार्ज सुभाषचन्द्र सिहं नेतृत्वको प्राविधिक टोलीले रक्तदान कार्यक्रममा सहयोग पुर्याएको थियो ।
Copyright © 2019 / 2026 - Junkirikhabar.com All rights reserved
