मोरङको पथरीशनिश्चरे नगरपालिका–६ र सुनवर्षी नगरपालिका–१ को सीमानामा रहेको कमल पोखरीमा एकजना टिपर चालकको शव फेला परेको छ ।
पथरीशनिश्चरे–६ केचनाका ३५ वर्षीय रामकृष्ण शर्माको शव पोखरीमा तैरिरहेको अवस्थामा बिहीबार बिहान ९ बजेतिर फेला परेको इलाका प्रहरी कार्यालय पथरीका डीएसपी वेदप्रसाद गौतमले जानकारी दिए ।
उनका अनुसार एउटै टिपरमा काम गर्ने सहचालक सुनवर्षी–१ का १८ वर्षीय दिपेश राई र चालक शर्मा गत मंगलबार साँझ घरबाट सँगै निस्किएको खुलेको छ ।
राईसँगै घरबाट हिँडेका शर्मा नफर्किएपछि परिवारका सदस्यले खोजी गरिदिन आग्रह गर्दै प्रहरी कार्यालयमा हुलिया निवेदन दिएका थिए । खोजी गर्ने क्रममा लगभग ७/८ बिघा क्षेत्रफलमा फैलिएको पोखरीको पानीमाथि तैरिरहेको अवस्थामा शर्माको शव भेटिएको जानकारी डीएसपी गौतमले दिए ।
Copyright © 2019 / 2026 - Junkirikhabar.com All rights reserved
