सुनसरीको बराहक्षेत्र नगरपालिका ६ सिसौलीबाट प्रहरीले अवैध लागूऔषध गाँजा बरामद गरेको छ ।
आइतबार (आज) बिहान ३ बजे विशेष सूचनाको आधारमा इलाका प्रहरी कार्यालय महेन्द्रनगरबाट खटिएको प्रहरी टोलीले गाँजा बरामद गरेको हो । सप्तकोशी नदीको दुईवटा भङ्गालोबीच टापुमा लुकाई छिपाई राखेको अवस्थामा एक सय २२ किलोग्राम (५ बोरा) अवैध लागूऔषध गाँजा फेला पारेको हो ।
फेला परेको गाँजालाई इलाका प्रहरी कार्यालय महेन्द्रनगरमा ल्याई राखिएको र ओसार पसारमा संलग्न व्यक्तिहरूको खोजतलास तथा अनुसन्धान भइरहेको प्रहरीले जनाएको छ ।
Copyright © 2019 / 2026 - Junkirikhabar.com All rights reserved
