प्रदेश १ मा बुधबारसम्म ४ सय ४७ जना कोरोना संमक्रमित रहेको प्रदेश जनस्वास्थ्य महाशाखाले जनाएको छ । महाशाखाकी सूचना अधिकारी डा संगीता राईले संक्रमित मध्ये दुई जनाको आईसीयूमा राखेर उपचार भइरहेको बताइन् । पछिल्लो पटक प्रदेश १ मा कोरोनाबाट एक जनाको मृत्यु भएको र हालसम्म कोरोनाबाट २ हजार २ सय ६१ जनाले ज्यान गुमाएको महाशाखाको तथ्यांक छ ।
पछिल्लो पटक प्रदेश १ मा कोरोनाको प्रभाव मोरङ, सुनसरी र झापामा बढी छ । राईका अनुसार कोरोना संक्रमित प्रतिशत सयमा ४० छ । पीसीआर र एन्टीजेन परीक्षण अत्यन्तै न्यून छ ।
मोरङ कारागारका ५४ कैदीबन्दीमा कोरोना संक्रमण पुष्टि भएको थियो । तीमध्ये ५१ जना निको भएर कारागार फर्किसकेका कारागार प्रमुख तुलसी भगतले बताए । उनका अनुसार अन्य संक्रमितको कोसी कोभिड अस्पतालका उपचार भइरहेको छ ।
Copyright © 2019 / 2026 - Junkirikhabar.com All rights reserved
