साउन २६, २०७६
जुनकिरी खबर

लागूऔषधसहित सेनाका मेजर पक्राउ

सेनाका एक मेजर लागूऔषधसहित पक्राउ परेका छन् । कैलालीको धनगढी घर भइ नेपाली सेनाको पूर्वी पृतनालय इटहरीमा कार्यरत सेनानी अजितप्रताप सिंहलाई प्रहरीले ब्राउन सुगरसहित इटहरी–२ बाट पक्राउ गरेको हो ।

इलाका प्रहरी कार्यालय इटहरीका प्रमुख प्रहरी नायब उपरीक्षक समिरचन्द्र खरेलले सिंहको साथबाट डेढ ग्राम लागूऔषध ब्राउन सुगर बरामद भएको बताए।

उनले सिंह नेपाली सेनाको भए नभएको सोधपुछ गर्न बाँकी रहेको र अनुसन्धान भइरहेको बताए। तर प्रदेश १ प्रहरी प्रमुख प्रहरी नायब महानिरीक्षक ठाकुरप्रसाद ज्ञवालीले सिंह नेपाली सेनाको सेनानी भएको जानकारी पाएको बताए।