धरान १३ कि एकल महिला उषा राईको हत्यामा संलग्न अभियुक्तलाई तत्काल पक्राउ गरी कारवाहीको माग गर्दै स्थानीय आन्दोलित भएका छन् । धरान १३ सूर्यमार्गमा भेला भएका महिलाले नारा जुलुस लगाउँदै हत्यमा संलग्नलाई तत्काल पक्राउ गर्न माग गरेका छन् ।
आन्दोलनकारीले नारा जुलुस लगाउँदै प्रहरी कार्यालय घेराउ गरेपछि केहीबेर तनाव भएको थियो । नारा जुलुस लगाउँदै धरान बजार परिक्रमा गरेका आन्दोलनकारीले इलाका प्रहरी कार्यालय धरानमा धर्ना दिएका छन् । उषाको हत्यमा दर्जन बढी जनजागृती आमा समूहका पदाधिकारीले हत्या गरेको भन्दै ती सबैलाई पक्राउ गर्नुपर्ने महिला अधिकारकर्मी गोमा तामाङले बताइन् । उनले हत्यामा संलग्नलाई प्रहरीले पक्राउ नगरेकाले दबाबस्वरुप आन्दोलन गरेको बताइन्।
इलाका प्रहरी कार्यालय धरानका डीएसपी बुद्ध श्रेष्ठले हत्यामा संलग्न मुख्य अभियुक्त उर्मिला राईलाई पक्राउ गरी अनुसन्धान थालेको बताए । उनले प्रहरीले कानुनी कारवाही अगाडि बढाइरहेको अवस्थामा उषाको हत्याको विषयलाई राजनीतिकरण गरी अनावश्यक दबाब सिर्जना गरिएको बताए ।
डीएसपी श्रेष्ठले उषाको हत्यामा संलग्न सबैलाई पक्राउ गरी कारवाही गरिने भएकाले सबैलाई संयमित हुन अग्रह गरेका छन् ।
Copyright © 2019 / 2026 - Junkirikhabar.com All rights reserved
