जेठ २६, २०७६
जुनकिरी खबर

ताप्लेजुङलाई प्रदेश सरकारको २ अर्ब अनुदान

ताप्लेजुङ — केन्द्र सरकारले आगामी आर्थिक वर्षका लागि ताप्लेजुङका स्थानीय तहलाई २ अर्ब १४ करोड ११ लाख रुपैयाँ अनुदान दिएको छ । सबैभन्दा बढी अनुदान सिरिजंघा गाउँपालिकाले पाएको छ । जिल्लामा एक नगरपालिका र आठ गाउँपालिका छ ।

गाउँपालिकाले बित्तीय समानीकरण र सशर्त अनुदान गरी २८ करोड ५९ लाख रुपैयाँ पाउने भएको छ । समानीकरणतर्फ १० करोड ९६ लाख र अनुदान १७ करोड ६३ लाख पाउने भएको हो ।

सिरिजंघापछिको बजेट आठराइ त्रिवेणी गाउँपालिकाले पाउने भएको छ । यो गाउँपालिकाले २४ करोड ४३ लाख रुपैयाँ पाउनेछ । गाउँपालिकाले समानीकरण तर्फ १० करोड १२ लाख र अनुदानतर्फ १४ करोड ३१ लाख प्राप्त गर्ने भएको हो । यस्तै पाथीभरा याङवरक गाउँपालिकाले २३ करोड २४ लाख प्राप्त गर्नेछ । समानीकरण तर्फ १० करोड ३ लाख र अनुदानको १३ करोड ३१ लाख प्राप्त गर्नेभएको हो ।