इटहरीका शिक्षासेवी लेखनाथ घिमिरेलाई अभिनन्दित गरिएको छ । शुक्रबार उनको ७७ औँ जन्मोत्सवको अवसर पारेर आयोजित कार्यक्रममा अभिनन्दित गरिएको हो ।
उनकै कद बराबरको अभिनन्दन पत्रले घिमिरेलाई अभिनन्दित गरिएको हो । कार्यक्रममा अभिनन्दित भइसकेपछि घिमिरेले आँफूलाई अभिनन्दन गरेकाले अनुगृहीत भएको बताए ।
घिमिरेलाई रथारोहणसहित इटहरी नगर परिक्रमा गराएर अभिनन्दन कार्यक्रममा सहभागी गराइएको थियो ।
उक्त कार्यक्रमको अवसर पारेर लेखनाथ घिमिरे अभिनन्दन ग्रन्थ ‘सार्थक जिन्दगी’ पनि सार्वजनिक गरिएको छ । उक्त ग्रन्थमा १ सय ३० भन्दा बढी लेखकहरूले घिमिरेबारे लेख लेखेका छन् । पुस्तक ५४२ पृष्ठको छ ।
कवि अनिल पौडेलको संयोजकत्वमा गत चैतमा नागरिक अभिनन्दन मूल समारोह समिति गठन गरी कार्यक्रमको तयारी सुरु गरिएको हो ।
Copyright © 2019 / 2026 - Junkirikhabar.com All rights reserved
