जिल्ला प्रशासन कार्यलय सुनसरीले आइतबार एक विज्ञप्ति जारी गर्दै गृह मन्त्रालयकोे अनुमति नलिई ड्रोन उडाउने व्यक्ति माथि कारबाही गर्ने चेतावनी दिएको छ ।
अत्यावश्यक कामका लागि दुई केजीभन्दा कम तौलका ड्रोन उडाउनका लागि प्रयोगकर्ताले जिल्ला प्रशासन कार्यलय सुनसरी बाट अनुमति लिनुपर्ने हुन्छ । त्यस्तै दुई केजीभन्दा माथि तौल भएका ड्रोन उडाउन प्रयोगकर्ताले गृह मन्त्रालयबाट अनुमति लिनुपर्ने विज्ञप्तिमा उल्लेख गरिएको छ । “मानवरहित हवाई उपकरण उडान कार्यविधि २०७५“ मा ड्रोन उडाउन विभिन्न निकायबाट अनुमति लिनुपर्ने व्यवस्था रहेको छ ।
पछिल्लो समय विभिन्न व्यक्ति तथा निकायले अनुमति नलिई अनधिकृत रूपमा ड्रोन उडाएको जानकारी आएपछि जिल्ला प्रशासन कार्यलय सुनसरीले विज्ञप्ति जारी गर्दै त्यसो नगर्न सचेत गराएको छ ।
Copyright © 2019 / 2026 - Junkirikhabar.com All rights reserved
