फागुन १९, २०७९
जुनकिरी खबर

इटहरीमा लागूऔषधसहित दुई पक्राउ

इटहरीमा लागूऔषधसहित प्रहरीले दुईजनालाई पक्राउ गरेको छ । इलाका प्रहरी कार्यालय इटहरीका प्रहरी निरीक्षक भीमबहादुर खड्काका अनुसार इटहरी ४ मा लागूऔषध बिक्री वितरण भइरहेको भन्ने सूचनाका आधारा प्रहरीले दुईजनालाई पक्राउ गरेको हो ।

पक्राउ पर्नेमा विराटनगर ७ बस्ने आँसु राजवंशी र सोही स्थानका रिकेश मण्डल रहेका छन् । मण्डलले बोकेको कालो रंगको प्लाष्टिकको झोलाभित्र विभिन्न किसिमका लागूऔषध बरामद गरेको प्रहरी निरीक्षक खड्काले बताए । लागूऔषधसहित पक्राउ परेका उनीहरूलाई सुनसरी जिल्ला अदालतबाट लागूऔषध नियन्त्रण ऐन २०३३ बमोजिम दिन ७ म्याद थप गरी अनुसन्धान भइरहेको प्रहरीले जनाएको छ ।