गुरुङ साहित्यिक मञ्च नेपालले आफनो छैटौं स्थापना दिवस सुनसरीको इटहरीमा नेपाल प्रज्ञाप्रतिस्ठानका उपकुलपति भुपाल राईको प्रमुख आतिथ्यमा मनाउने भएको छ । विगतका वर्षहरुमा पोखरामा गुरुङ साहित्यिक मञ्च नेपालले स्थापना दिवस मनाउदै आएकोमा यस वर्ष भने पुर्वका गुरुङ समुदायका मानिसहरुलाई समेत जोड्ने उद्धेश्यले यही चैत्र २१ गते इटहरीको दुर्गा पाटी प्यालेस औपचारिक कार्यक्रमको आयोजना गरि मनाउने भएको हो ।
छैटौं स्थापना दिवस मनाउने विषयमा जानकारी गराउन आयोजना गरिएको पत्रकार सम्मेलनमा साहित्यका माध्यमबाट आफनो समुदायका लागि केही काम गर्न सकियोस तथा नयाँ पिडिलाई पनि अगाडि वढाउदै जातिय अस्थीत्वलाई जीवन्त राख्ने उर्जा प्रदान गर्न सकियोस भनेर यस वर्ष पुर्वका गुरुङ समुदायका मानिसहरुलाई जोड्ने गरी स्थापना दिवस मनाउन लागिएको गुरुङ साहित्यिक मञ्च नेपालकी अध्यक्ष गौरी तमुले जानकारी दिइन ।
पत्रकार सम्मेलनमा स्थापना दिवसका अवसरमा आयोजना गरिने कार्यक्रममा विभिन्न सेसनहरु समावेश गरिने समेत जानकारी गराइयो ।
Copyright © 2019 / 2026 - Junkirikhabar.com All rights reserved
