इटहरीको खाम्दाके यातायात प्रालिका शेयर होल्डर मध्येका एक जना विकास खत्री भनेर चिनिने कृष्ण बहादुर खत्री फरार भएपछि कम्पनीका अन्य शेयर होल्डर बैँकको निशानामा परेका छन् ।
इटहरी उपमहानगरपालिका वडा नम्बर १ बस्ने विकास खाम्दाके यातायात प्रालिको ५ जना सेयर सदस्य मध्ये एक हुन । कम्पनीको सेयर होल्डर भएपछि विराटनगरदेखि वीरगञ्ज रुटको को १ ख ६६९१ नम्बरको बस आफ्नै नीजि बनाएर चलाउँदै आएका विकासले गाडीको फाइनान्स भने कम्पनीको नाममा गरेका थिए ।
आफँै चलाउने , नाफा पनि आफैँ खाने र घाटा पनि आफैँ बेहोर्ने शर्तमा गाडी चलाउन थालेका विकासले लामो समय गाडीको आम्दानी लिए तर बैँकको किस्ता भने तिरेनन् । कम्पनीका सेयर होल्डर खगेन्द्र खत्रीले विकासको व्यवहारले आफुहरु आजित भएको बताए ।
कम्पनीले दुर्घटना ग्रस्त गाडीको लागि क्षतिपुर्ती र उपचार लगायतका प्रयोजनमा साढे ८ लाख भन्दा बढि रकम खर्च गरिसक्दा पनि विकास भने सम्पर्कमा नआएको अन्य सेयर होल्डरहरु बताउँछन् । दुर्घटना ग्रस्त गाडी अहिले लालगढको बाटोमै अलपत्र भएको सेयरहोल्डरहरुको भनाई छ । दुर्घटनाको फायल ढल्केबर प्रहरीसँग रहेको पाइएको छ ।
गाडी खरिद गरेको कम्पनीले पनि अहिले पैसाको लागि ताकेका गरिरहेको र बैँकले समेत कम्पनीलाई कालो सुचिमा राख्ने खतरा बढेको सेयर होल्डरहरु बताउँछन्
Copyright © 2019 / 2026 - Junkirikhabar.com All rights reserved
