नेपाल शिक्षक संघ इटहरी उपमहानगर समितिको अध्यक्षमा वासुदेव कर्ण विजयी भएका छन् । दोस्रो इटहरी नगर अधिवेसनको आज(सोमबार) भएको निर्वाचनमा लोकराज बस्नेतलाई पराजित गर्दै कर्ण अध्यक्षमा विजयी भएका हुन ।
विजयी भएका कर्णले १ सय ७२ मत प्राप्त गरेका छन् भने लोकराज बस्नेतले ९२ मत पाएका छन् । २ मत बदर भएको छ । निर्वाचनमा जम्मा २६६ मत खसेको थियो । इटहरी उपमहानगरपालिकामा कुल २ सय ८४ जना सदस्य रहेका छन् ।
यस अघि नै सम्पन्न भएको अधिवेसनले अन्य पदाधिकारीहरुको सर्वसम्मत चयन गरे पनि अध्यक्षमा भने विवाद रहेको थियो । अध्यक्ष पछि चयन गर्ने गरी अन्य पदाधिकरी चयन गरिएको थियो । शिक्षक संघ भित्र अध्यक्षका उम्मेद्वार दुई गुटमा विभाजित भएपछि निर्वाचन नै गर्नुपरेको हो ।
यस अघि अधिवेसनले सर्वसम्मत चयन अन्य पदाधिकारीहरुमा उपाध्यक्ष विष्णु दाहाल, महिला उपाध्यक्ष लक्ष्मी चौधरी,सचिव भिम भट्टराई, सचिव अर्थ दिपेन्द्र राय रहेका छन् । यस्तै सह सचिव अर्थ गुरु प्रसाद काफ्ले, सह सचिव समावेशी दिलिप कुमार मुखिया, मिलन चौधरी रहेका छन् । अन्य सदस्यहरुमा प्रत्येक वडाबाट १ जना सदस्यहरु रहने व्यवस्था रहेको छ ।
Copyright © 2019 / 2026 - Junkirikhabar.com All rights reserved
