इटहरी खानेपानी उपभोक्ता संस्थाको १८ औं साधारण सभा सम्पन्न भएको छ । एसियाली विकास बैंकको अनुदानमा योजना निर्माण भई अढाई दशकअघिदेखि उपभोक्ता समितिको व्यवस्थापनमा संचालन भएको इटहरी खानेपानी उपभोक्ताकै कारण अब्बल मानिन्छ । इटहरी उप-महानगरपालिकामा २० वटा वडाहरुमध्ये संस्थाले पूणर् र आंशिक गरी १४ वटा वडामा सेवा विस्तार र प्रवाह गरिरहेको बुधबार सम्पन्न साधारणसभामा अध्यक्ष रामप्रसाद चौलागाईले जानकारी दिए । इटहरीका ४२ हजार घर धुरीमध्ये २२ हजारभन्दा बढी घरधुरीलाई खानेपानी वितरण गरिएको चौलागाइले बताए ।
बिभिन्न वडामा संस्थाको स्वामीत्वमा रहेको ५ विगाहा जग्गामा शहरी खानेपानी आयोजना अन्तरगत माग गरेको ४ वटा ओभरहेड ट्याङ्की सहित “इटहरी खानेपानी तथा सरसफाई आयोजना”को सम्भाव्यता अध्ययन अन्तिम चरणमा रहेको जनाइएको छ । आगामी आर्थिक वर्षमा निर्माण प्रक्रियामा जाने निश्चित रहेको आयोजना नेपाल सरकारको दोस्रो चरणको सर्वाधिक सम्भाव्य र प्राथमिकताको पहिलो नम्बरमा रहेको चौलागाइको भनाई छ ।
यो आयोजना निर्माण सम्पन्न पश्चात् आगामी ३५ वर्षसम्म इटहरीका २० ओटै वडामा पर्याप्त मात्रामा पानी आपूर्तिको सुनिश्चितता हुने बताइएको छ । यस्तै संघिय सरकार, प्रदेश सरकार र स्थानीय तहको लगानीमा विकास भैइरहेको तरहरा, पकली, खनार र एकम्बा खानेपानी आयोजनाहरु नेपाल गुणस्तरको खानेपानी आपूर्ति गर्ने गरी विकास गर्नु जरुरी देखिएको चौलागाईले उल्लेख गरे ।
Copyright © 2019 / 2026 - Junkirikhabar.com All rights reserved
