अल्टीट्युड क्लव इटहरीको लोगो अनावरण गरिएको छ । इटहरीमा क्लव स्थापना गरिएपनि खेलकुद सहित शिक्षा, स्वास्थ्य लगायतका विषयमा देशमै महत्वपुर्ण योगदान गर्ने लक्ष्य राखेको अल्टीट्युड क्लव इटहरीको लोगो इटहरी उपमहानगरपालिका प्रमुख हेमकर्ण पौडेलले एक कार्यक्रमविच गरेका हुन ।
सामाजिक विकासका क्षेत्रमा युवा परिचालनमा जोड दिदै स्थापित अल्टीट्युड क्लवको लोगो अनावरण सहित टिर्सट पनि सार्वजनिक गरियो । पिताम्बर तिमल्सिनाको अध्यक्षतामा तर्दथ समिति वनाइएको अल्टीट्युड क्लवको लोगो अनावरण सहितको कार्यक्रमले नयाँ कार्यसमिति समेत चयन गर्ने छ ।
पुर्व क्षेत्रको एक आकर्षक पर्यटकीय क्षेत्र तालतलैयामा आयोजना गरिएको अल्टीट्युड क्लवको कार्यक्रममा खेलकुद विकास बोर्ड कोशी प्रदेशका सदस्य सचिव हंसराज वाग्ले , उद्योग वाणिज्य संघ इटहरीका अध्यक्ष जीवन पराजुली , नागरिक समाज इटहरीका अध्यक्ष राजु केसी , इटहरी उपमहानगरपालिका वडा नम्बर १का वडाध्यक्ष रतन कार्की ,वडा नम्बर २का वडाध्यक्ष माधव प्रसाद कोइराला लगायतका अतिथीहरुको सहभागिता रहेको तर्थद समितिका उपाध्यक्ष सुरेन्द्र तामाङले जानकारी दिए ।
इटहरी क्षेत्रमा नयाँ सामाजिक संस्थाका रुपमा स्थापित भएको अल्टीट्युड क्लव इटहरीले खेलाडी उत्पादन , खेलकुद क्षेत्रको विकास साथै अन्य सामाजिक कार्यमा समेत योगदान पुर्याउने अपेक्षा गरिएको छ ।
Copyright © 2019 / 2026 - Junkirikhabar.com All rights reserved
