इटहरीमा नक्कली नोटसहित एक पुरुषलाई प्रहरीले पक्राउ गरेको छ । इलाका प्रहरी कार्यालय इटहरीका अनुसार इटहरी १ स्थित आँपगाछीमा लागेको सिरुवा मेलामा नक्कली नोटसहित एक पुरुषलाई प्रहरीले पक्राउ गरेको हो ।
पक्राउ पर्नेमा सुनसरीको गढी गाउँपालिका २ घर भएका बर्ष ३८ को जमिल खातुन रहेका छन् । उनलाई बिहीबार साँझ ७ बजेतिर पक्राउ गरिएको प्रहरीले जनाएको छ । मेलामा जेरी किनेर एक हजार रुपैयाँ तिर्दा व्यापारीले नक्कली पैसाको शंका लागेर प्रहरीलाई खबर गरेका थिए ।
तत्काल पक्राउ परेका खातुनको साथबाट प्रहरीले एक हजारका ६ थान र पाँच सयको २२ थान नक्कली नोट बरामद गरेको छ । साँझको समयमा मेलामा जेरी किन्न पुगेका खातुनलाई व्यापारीले नक्कली नोट जस्तो छ भनेर भनिएपनि उनले नभएको बताएका थिए ।
Copyright © 2019 / 2026 - Junkirikhabar.com All rights reserved
