मेयर हर्क साम्पाङले आफ्ना स्वकीय सचिवले पठाएको पत्र प्रशासनिक त्रुटी भएको र आउदा दिनहरुमा त्यसखालको पत्र नपठाउने प्रतिवद्धता जनाएपछि मेयर र वडाअध्यक्षहरुबीचको विवाद साम्य भएको छ ।
दुई महिनापछि आज बसेको धरानको कार्यपालिका बैठकमा वडाअध्यक्षहरुको प्रमुख मागलाई सम्बोधन गरेपछि बैठक सहजरुपमा अघि बढेको हो । बैठकमा वडाअध्यक्षहरुको ५ बुँदे मागको बिषयमा वडा नं १७ का अध्यक्ष तथा कार्यपालिका प्रवक्ता सुर्यबहादुर भट्टराई (मनोज)ले कुरा राखेका थिए । पाँच बुँदे माग मध्ये उनले तीन वटा माग महत्वपुर्ण भएकोले मेयर साम्पाङले सम्बोधन गर्नुपर्ने बताएका थिए । त्यसपछि बैठकलाई सम्बोधन गर्दै मेयर साम्पाङले ३ वटै मागलाई सम्बोधन गरेका थिए ।
माग सम्बोधन गर्ने क्रममा मेयर साम्पाङले आफ्नो स्वकीय सचिवले पत्र पठाउनु प्रशासनिक त्रुटी भएको स्वीकार गरेका हुन् । तत्कालिन वरिष्ठ प्रशासकीय अधिकृतलाई पत्राचार गर्न निर्देशन दिदा उनले पत्र नपठाएको र सचिवालयमार्फत पठाउदा हुने भनेपछि उक्त त्रुटी हुन पुगेको पनि मेयर साम्पाङले बताए । साथै उनले आउदा दिनहरुमा स्वकीय सचिवमार्फत त्यसखालको पत्र नआउने पनि प्रतिवद्धता जनाए । हाल प्रमुख प्रशासकीय अधिकृतमार्फत वडा कार्यालयहरुमा पुनः पत्र पठाएर सम्पन्न भएका योजना तथा कार्यक्रमहरु पठाउन आग्रह गरेर वडाअध्यक्षहरुको माग सम्बोधन पनि गरिसकेको मेयर साम्पाङले बताएका थिए ।
Copyright © 2019 / 2026 - Junkirikhabar.com All rights reserved
