मोरङ्गको सुन्दरहरैँचा ५ स्थित बलियामा प्रथम बलिया महोत्सव सञ्चालन गरिने भएको छ। जेठ १९गते देखि असार ५ गते सम्म महोत्सव सञ्चालन गर्न लागिएको हो। सुन्दरहरैँचामा क्रियाशिल मिलिजुली परिवारको आयोजना र ग्लोबल ड्रिम्स म्यानेजमेन्ट प्रा.लि.को व्यवस्थापनमा सुन्दरहरैँचा वडा नम्बर ५ स्थित बलियामा सञ्चालन हुने प्रथम बलिया महोत्सवमा करिब ४० देखि ५० वटा व्यापारीक स्टलहरु रहने छन्।
२१ दिन सम्म चल्ने महोत्सवमा हरेक दिन स्थानीय प्रसिद्ध कलाकार तथा प्रमोद खरेल, निशान भट्टराई, ज्योति मगर, जीबव, प्रिति आले अस्मिता अधिकारी, शशि मण्डल जस्ता राष्ट्रिय कलाकारको बेजोड प्रस्तुती रहने आयोजकले मंगलबार सुन्दरहरैँचा ४ स्थित गोकर्ण रिर्सोटमा पत्रकार सम्मेलन गरेर जानकारी दिएको छ। महोत्सवमा हरेक दिन करिब २ हजार देखि ४ हजार जना सम्मको उपस्थिती रहने आयोजकको अपेक्षा छ।
यस्तै महोत्सवमा बालबालिकालाई लक्षित गरेर विभिन्न बालमैत्री खेलका लागि अम्युजमेन्ट पार्कको सञ्चालन गरिने अनि बिभिन्न स्थानीय तथा मौलिक परिकारका स्वादिष्ट खानाका स्टल राखिने जनाईएको छ। यस्तै महोत्सवलाई मनोरञ्जनात्मक र रोचक बनाउन विभिन्न किसिमका खेललाई समाबेश गरिने आयोजकको भनाई छ।
सुन्दरहरैँचाको बलियालाई मनोरञ्जनात्मक विकासलाई समेत सेवा पुर्याउने उद्धेश्यले आयोजना गरिएको प्रथम बलिया महोत्सव बिशुद्ध सांगीतिक एवं मनोरञ्जनात्मक कार्यक्रम रहेको र कार्यक्रमबाट आएको नाफाबाट लागुऔषधको दुब्र्यसनमा फसेका युवाहरुलाई समाजमा पुनस्र्थापित गर्न खर्च गरिने आयोजकको भनाई छ।
Copyright © 2019 / 2026 - Junkirikhabar.com All rights reserved
